Búginde elimizdiń túkpir-túkpirinde Qazaqtyń bas gazetiniń qalyptasýyna eńbek etken Alash arystaryn tanýǵa arnalǵan jıyndar men ǵasyrlyq basylymnyń mereıtoıyna arnalǵan túrli deńgeıdegi merekelik sharalar kóptep ótkizilýde.
Shyraıly Shymkentte bastaý alǵan shara sonyń jalǵasy retinde "Bolashaqqa baǵdar: Rýhanı jańǵyrý" baǵdarlamasy aıasynda ótip jatyr.
Qaıyrymdy qala turǵyndaryn ótken tarıhpen, babalar muratymen sýsyndatqan konferensııany tarıh ǵylymdarynyń doktory, Ulttyq ǵylym akademııasynyń korrespondent-múshesi, Halyqaralyq Túrki akademııasynyń prezıdenti, «Egemen Qazaqstan» jalpyulttyq respýblıkalyq gazetiniń basqarma tóraǵasy Darhan Qydyráli júrgizip, oıly oqyrmandardy elimizdiń bas basylymynyń ǵasyrlyq mereıtoıymen quttyqtady.
Konferensııaǵa professor Orazaly Sábden, Beıbit Qoıshybaev, fılologııa ǵylymdarynyń doktory Amantaı Shárip, tarıh ǵylymdarynyń doktory, professor Haziretáli Tursyn tarıhı derekterge baı baıandama jasady.
Sonymen qatar konferensııaǵa Nur-Sultan, Almaty, Túrkistan, Shymkent qalalarynyń Sultanbek Qojanov pen Turar Rysqulovtyń ómir joldaryn zertteýmen aınalysyp júrgen ǵalymdar arnaıy shaqyryldy.
Konferensııa jumysynyń jemisi retinde Shymkent qalasy ákimdiginiń qoldaýymen Sultanbek Qojanov pen Turar Ryskulov týraly tarıhı tyń derekter arnaıy kitapqa jınaqtalyp, is-shara qatysýshylaryna usynyldy.
ShYMKENT
